Toqqagassat
Ulluinnanni pisariaqartitatit
Pisiniarfitta nioqqutit illit ulluinnarsiutinni pisariaqartitatit nioqqutaatigissavaat. Taamaammat pingaartittarparput, pitsaasunik nioqqutissianik akikinnerpaanik toqqagassaqarluarnissat. Taassuma saniatigut pingaartitaaraarput, nioqqutaatigut pitsaassutsimik qaffasissumik pitsaassuseqarnissaat, uumasunut sunniuteqarnerat, inunnut pinngortitamullu eqqarsaatigalugu.
REMA 1000 – akikillisat tunngavissallit
Ulluinnarni nioqqutit pinngitsoorneqarsinnaanngitsut REMA 1000-imeersut maani pissarsiarisinnaavatit. Nioqqutissat arlaqartut pitsaanerpaatut toqqagaanikuupput, mamarnerpaatut imaluunniit akitigut pitsaassusaanut. Taamatuttaaq REMA 1000 avatangiisimut uumasullu atugarissaarnissaannut qaffasissunik piumasaqaateqartarpoq. Taamaammat nioqqutit arlaqartut sapigalinnut avatangiisinullu akuerisaasunik nalunaaqutsersoqqapput. Tassunga ilaatigut REMA 1000-i Nunani avannarlerni nioqqutit pitsaasutut akimikkullu naleqqulluartutut ilisimaneqarnermikkut ilisarnaatigaat.
Meqqusaalik
Sila qanorluunniit ikkaluarpat
Meqqusaalik nammineq pilersitaraarput siulitta periusitoqaat atorlugit annoraamernit ninngusuut atorneqarlutik suliaallutik, soorlu Primaloft, savat merinot qiviui kiisalu anorimit masammillu pitarneqarsinnaanngitsut atorlugit suliaallutik. Meqqusaalik atorlugu kissaatigaarput inunnut Kalaallit Nunaanniittunut atisat pitsaasut, iluartut atoruminartullu pilersissallutigit –tamanillu pisiarineqarnissaannut akissaqartinneqarnissaat.
Meqqusaalik Sisimiuni KNI-mi inerisarneqarpoq, innuttaasullu suleqatigalugit misilerarneqarluni.
Sinnera atuaruk 
Ilusilersuineq kalaallisut, kalaallit ulluinnarsiutaannut
KNI Designi angerlarsimaffimmi, ulluinnarnut tamanullu nunatsinni kulturikkut kingornussinissamut soqutiginnittunut sanaajuvoq. Nioqqutissiat tamarmik Sisimiuni KNI-p pilerisaanermut immikkoortortaqarfiani pilersinneqarput, kalaallinit kalaallinut. Ilusilersuisartut, eqqumiitsuliortut nutaamillu pilersitsinermut pikkorissut nunatsinneersut peqatigalugit.
Pinngortitamit, piorsarsimassutsimut tunngatillugu aammalu nunarsuarmi susoqarfiusumit isumassarsiortarpugut. Taamaasilluni nioqqutissiaq kinaassutsitsinnut nersuininngorluni. Timitalerneqarlunilu pitsaassutsimik pitsaalluinnartumik, ukiunilu arlalinni atorneqarsinnaasunngorluni alutorsaatigineqarlunilu.
Nioqqutissani toqqagassat
Nunaqarfinni nioqqutissat aalajangersimasut pisiniarfimmiittuutigiuaannassavagut
Ulluinnarni nioqqutissani pinngitsoorneqarsinnaanngitsuni pisiniarfittut naliginnaasuunngilagut. Pisiniarfitta amerlanersaat nunaqarfinniipput, ukiumullu qaammatialuinnarni tulaffigineqarsinnaasarlutik. Taamaammat nioqqutissanik ulluinnarni pinngitsoorneqarsinnaanngitsunik toqqagassaqarnissaa aammalu quersuarmiittuutigiuarnissai, ulluinnaallu ingerlasinnaanissaannut qulakkeerinnittussaavugut. Nioqqutissaatigut pillugit uani paasisaqarnerugit.
Uni paasisaqarnerugit
