Tarrup ataani naneruuserit/ tarrup ataani qaamanermik ikitsigit

Neriuppugut siunissami, nappaatipalaamik kræftimik toqusoqartarunnaassasoq…

Nunatsinni ukiumut agguaqatigiisillugu inuit 170-it kræfteqalersarput. Kræfti inuiaat nappaatigaat, tamatsinnut sunniisuusoq. Neriuffiup suliniutaa pingaaruteqangaartoq eqqugaasunut qanigisaasunullu ukioq kaajallallugu, pisisartugut peqatigalugit tapersersorparput.

Nunatsinni ajoraluartumik kræftimik eqqugaasartut amerligaluttuinnarput. Taamaammat ataatsimoorluta tapersersuinissarput pingaaruteqarpoq. Nunatut kisianni aamma inuiattut, qanigisaasutut imaluunniit sanilitut. Neriuut tamatta ikumatissinnaavarput. Neriulluta nappaatipalaamik kræftimik siunissami toqusoqartarunnaassasoq.

Neriuut ikiguk

Neriuffiup eqqugaasunut qanigisaasunullu ukioq kaajallallugu suliniutaa pingaaruteqaqisoq, pisisartugut peqatigalugit tapersersorparput. Pilersuisup naneruuserfiutai pisiarinerisigut Neriuffik 20 koruuninik tapersissavat. Ukioq kingulleq naneruuserfinnik 4000-iusunik tunisaqarpugut, Neriuffimmullu 80.000 koruuninik tapersiisuullutik.

Eqqumiitsuliortumit naneruuserfiup allalersorneqarnera

Naneruuserfik allalersorneqarpoq eqqumiitsuliorumit atuakkiortumiillu Jens Rosings-ip ilusilersugaanit, 1974-imi KGH-ip ukiut 200-nngortorsiorneranut atatillugu titartarneqarsimallutik. Kaffilivimmi kaffisorfinnilu inuit assingi kusassaatitut ilaasimapput. Naneruuserfimmi qilak ulloriartalik Jens Rosing ilusilersugaanut inuttalinnut ilanngunneqarsimavoq, soorlu neriuummik qaamasumik pisariaqartitsisunut pilersitsiniarluni.