Allagarsiivimmukarit

Taamaasilluta Nunatsinni nunaqarfinni ulluinnaat ingerlanissaannut qulakkeerinnittarpugut

Pilersuisoq ulluinnarni nioqqutinik pisariliannik nioqqutissaatilik naliginnaasuunngilaq. Pilersuisussaatitaanerput aamma isumaqarpoq, ukioq kaajallallugu – nunaqarfik minnerpaaq tikillugu ulluinnaat ataqatigiinnissaannut akisussaanerput.

Pilersuisussaatitaanitta kingunerisaanik, pisiniarfiit nuna tamakkerlugu siaruarsimapput. Pisiniarfiit amerlanertai nunaqarfinniillutik, ukiullu annerpaartaani tikikkuminaatsuullutik. Allanit pisiniarfinnit nioqqutissanik ulluinnarni pinngitsoorneqarsinnaanngitsunik nioqqutissaatilinnik allaanerulersarpugut, tassa nioqqutinik assartugassanik ingerlatsinitsinni aqutsinerpullu aammalu aaqqissuussaanerput allanit allaanerummat.

Aasaanerani ukiaaneraneranilu nunaqarfinni quersuit nioqqutinik pinngitsoorneqarsinnaanngitsunik, nakorsaatit pisiniarfinni pisiarineqarsinnaasut, inuup nammineq atugassai, piniarnermullu atortussat peqqumaasersortarpagut. Tassa nioqqutit pinngitsoorneqarsinnaanngitsut, ulluinnaat ingerlanissaannut qulakkeerinnittussat. Nioqqutit taamaattut nioqqutit pinngitsoorneqarsinnaanngitsunik taasarpagut, quersuarmiittuutigiuaannaavigissavagullu.

• Nunaqarfinni minnerni 25-it tungaanut innuttaasulinni, nioqqutiuteqarpugut pinngitsoorneqarsinnaanngitsut 145-rut, quersuarmiittuutigineqartuaannartut.
Taassuma saniatigut nioqqutaateqarpugut 200-ut, quersuarmi pigiuartillugit nioqqutaasut.

• Nunaqarfinnilu annerni 600-ut angullugit innuttaasulinni, nioqqutaateqarpugut pinngitsoorneqarsinnaanngitsut 334-it, quersuarmiittuutigineqartuaannartut. Taassuma saniatigut nioqqutit 2500-rut nioqqutaatigaagut, quersuarmi pigiuartillugit nioqqutaasut.

Nioqqutit pinngitsoorneqarsinnaanngitsut, pisiniarfinni tamani assigiimmik akeqarput, apeqqutaatinneqarani assartorneqarnera. Tamanna aamma atuuppoq, pisiarfik nioqqutinik pinngitsoorneqarsinnaanngitsunik nunguutsippat, timmisartukkullu assartorneqartariaqarluni. Saniatigut aningaasartuutit uagut akilertarpagut.