Inuiaqatigiittut suliniutissarput
Pilersuinermit inuiaqatigiinni peqqissuseq
Pingaarnertut suliniutissaraarput sumiluunniit najugaqaraluaruit ulluinnarni atugassanik nioqqutinik ilinnut tunniussinissarput. Aammattaaq uagut akisussaaffigaarput akimut pitsaanerpaamut toqqagassaqarnissat.
Nunaqarfinni pisiniarfitsinni immikkuullarissunik ulluinnarni nioqqutit pinngitsoorneqarsinnaanngitsunik toqqagassaateqarpugut, taakkualu quersuarmiittuutigiuaannassavagut. Pilersuisunilu tamani akimikkut assigiipput. Nioqqutit ulluinnarni pinngitsoorneqarsinnaanngitsut nungussimappata, umiarsuaqannginnerullu nalaanniilluni, nioqqutit timmisartumik assartussavagut – akitigut qaffaanngikkaluarluta.
Pisiniarfimmili aamma allanik nioqqutaateqarpugut. Atortussanik kusanartulianik nioqqutissianillu ineriartortitsisarpugut, kalaallit kulturiannit isumassarsiorfiusoq KNI Design ataani. Tamatuma saniatiguut silami atugassianik atisanik ineriartortitsisarpugut, issittup silaanut, silamilu suliaqarnissamut tulluarsakkat Meqqusaalimmik atserlugit.
Inuiaqatigiit peqqissusaannut kivitseqataasussatut inuulluataanermullu peqqinnarnerusumillu inooriaaseqarnissamut, oqimaaqatigiisumillu inuunissamik isumassarsiorfissatut akisussaaqataasutut misigisimavugut. Tamanna nerisassanut tunngasoq nittartagarput Mamarisavut.gl aqqutigalugu taamaaliortarpugut. Ulluinnarnut nerisassiornissanut ilitsersuutit, ullorsiornissanut isumassarsiorfissat, ileqqutsinnut aammalu peqqinnartumik inooriaaseqarnissamut isumassarsiorfissanik ikkussuiffigisarparput. Ilitsersuutit nioqqutit pinngitsoorneqarsinnaanngitsunik, pisiniarfitsinni nioqqutaatitsinnik aammalu illit pisarisartakkannit tunngavigalugit sanaajupput. Taamasillusi nuna tamakkerlugu nerisassiornermut ilitsersuutit atorlugit nerisassiorsinnaalerlusi.
Ulluinnarni pinngitsoorneqarsinnaanngitsunik nioqqutinik pisiarfiinnaanngilagut
Akisussaaffimmik tigusivugut
Illoqarfinni nunaqarfinnilu amerlasuutigut Pilersuisoq pisiniarfituaasarpoq. Pisisartuttalu ulluinnaanut, peqqinneranut atugarissaarneranullu ilaavugut. Nammineq uagut aamma sumiiffimmi najugaqartuugatta. Suleqatigiiuvugut, sanileriit, kammalaatigiit ilaqutaallutalu. Taamaasilluta pisisartutta ulluinnarsiutaa, aamma uagut ulluinnarsiutigaarput. Tamanna immikkuullarippoq akisussaafferujussuullunilu, aammali CSR-imut suleriuseqarnitsinnut tunngaviulluni.
Peqqinneq oqimaaqatigiissaarinerlu
Innuttaasut peqqissusaat ajornartorsiortorujussuuvoq. Naalagaaffeqatigiinni agguaqatigiisillugu inuuneqqortunerput ukiuni qulinik sivikinneruvoq, nappaatit inuunermi pissusilersuutinik pissuteqartut ukiuni 30-inut sanilliullugu ullumikkut takussaaneruleraluttuinnarput. Inuiaqatigiinni peqqissutsimut ajornartorsiut annertoorujussuuvoq, tamannalu pingaartipparput aaqqiivigeqataanissaanut.
Qulequttami Kattulluta Inuunerittami Brugseni, Pisiffik Paarisalu peqatigalugit peqqinneq pillugu suliniutitsinnik eqqartuikulaqatigivagut, suliniutigullu ataatsimoorluta qanoq nukittorsarsinnaanerigut aamma eqqartuisarluta. Pisiniarfiit tamarmik assigiinngitsunik peqqinneq pillugu suliniuteqartarput, ulluinnarnilu unammilleqatigiiulluta – tamattali isumaqatigiiffigaarput peqqinneq pillugu suliatsinni suleqatigiinnissap qanoq pingaaruteqartiginera.
Nioqqutit
Nioqqutit pisiassaatitta suliniutigut oqariartuutigissavaat. Taamaammat REMA 1000 asuliinnaq toqqarsimanngilarput noqqaasarfitta ilaattut. Discount-iupput tunngavissallit, pitsaassuseq piujuartitsineqt akisussaassuseqarnerlu ilisarnaatigaat. Nioqqutit peqqinnartut ersarissartarpagut pisianiarfimmilu nassaariuminarsarlugit, peqqinnarnerusumillu ulluinnarsiuteqarnissannut ajornannginnerulersitsilluni.
Utertitsisarnermut aaqqissuussarput – nioqqutissiaatigut plastikkitallit – uagut akisussaaffigut
Suliffeqarfimmut toqqaannaq atassuserneqarsinnaasut, Polaroilimi Pilersuisuimilu ataatsimoortumik plastikkimik puulinnik katersinissatsinnut suliniuteqarpugut. Taamaammat 2020-imi utertitsisarnermut aaqqissuussamik aallartitsivugut, Texaco-minngaanneersut nioqqutit utertitsinneqarsinnaasunngorlugit, aningaasanillu pissarsissutigalugu. Utertinneqartut Texaco-minngaanneersut nioqqutit 2022 ukiamit akii 3 koruuninit 5 koruuninut qaffappagut. Puukilli allanit noqqaasarfinninngaanneersut, isumaqatigiissuteqarfiginngisatsinneersut aamma utertinneqarsinnaapput, taakkua 1. koruunilertapagut.
Qularnaveeqqut tuniniaanermi akigititap qaavatigut ilanngussaanngilaq. Aningaasaq tapiissuterput annikittunnguuvoq tunniuttagarput, pinngortitatsinnik eqqiluitsuutitsunut. Tassani annermik ajugaasuupput pinngortitarput uumasullu pinngortitamiittut – plastikkimik mingutsitsivigineqarnatik inuusinnaallutik.
Mamarisavut.gl
Nerisassanut tunngasunik silarsuarput, mamarisavut.gl, ulluinnatsinnit aammalu nerisassat pissarsiarisinnaasagut tunngavigalugit sanaajuvoq. Tassani ulluinnarni nerisassiornermut ilitsersuutit ajornanngitsunnguit, aammalu ataatsimuaalaarnissamut, ileqqutsinnut peqqissumillu inooriaaseqarnissamut nerisassiornissamut ilitsersuutit siammartertarpagut. Pisiniarfimmit nioqqutit tuniniartakkatsinnit, nioqqutit pinngitsoorneqarsinnaanngitsuniit aammalu illit pisarisartakkanniit nerisassiornermut ilitsersuutit sanaajupput. Taamaasilluta nunatsinniittut ilitsersuutit malillugit nerisassiorsinnaalluta.
Digitaliusumik neqeroorutit
Pappiaqqanik mingutitsinissarput annikinnerpaatinniarlugu digitaliusumik neqeroorutiliortarnissarput aalajangiussimavarput. Aammali inuiaqatigiinni inersimasut 94% procentiisa smartphonimik atuisuummata. Tamanna pinngortitamut pisisartutsinnullu pitsaanerpaassaaq.
